SAKOV – Studiebeurse vir studie in Orrel- en Kerkmusiek

Laai af >> SAKOV Studiebeursbrosjure en Aansoekvorm – 2024

Die Suider-Afrikaanse Kerk- en Konsertorrelistevereniging (SAKOV) stel hiermee die SAKOV-STUDIEBEURSE vir verdienstelike studie in orrel, orrelbou en kerkmusiek vir 2024 bekend.

Die beurse het ten doel om finansiële ondersteuning te bied om die bevordering van die gehalte van orrelspel, orrelstudie, orrelbou en navorsing op die gebied van Kerkmusiek in Suider-Afrika te stimuleer.

Die volgende beurse is beskikbaar:

Orrelstudie

• Nagraadse studiebeurse: Doktoraal, Magister en/of Honneurs
• Voorgraadse studiebeurse: Hoofinstrument, Tweede-instrument en/of Nie-graaddoeleindes
• Studiebeurse vir skoliere
• Studiebeurse vir kerkorreliste

Kerkmusiek (Akademies)

• Nagraadse studiebeurs: Doktoraal, Magister en/of Honneurs

Orrelbou/-stem

• Opleidingsbeurse

Die sluitingsdatum vir 2024 aansoeke is 19 Julie 2024. Vir volle inligting en om aansoek te doen, laai asseblief die 2024 beursbrosjure af.